لتطور الطبيعى للرجال

التطور الطبيعي للحاجه الساقعه أأقصد للرجالة
____________
بحبك
بعد 6 اسابيع : بحبك بحبك بحبك... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟

بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟

جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع

وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى

لما تشترى فستان جديد
بعد 6 اسابيع : مبروك ياحبيبتي, هياكل منك حتة
بعد 6 شهور : انتى جبتى فستان جديد تانى ؟

بعد 6 سنين : همم بكام ؟

لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما, نامى انتى بقى

لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت

لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟

لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟

فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى.. انتى تخنتى اوى

وهى رايحة للدكتور
بعد 6 اسابيع: حبيبتى انا هاجى معاكى
بعد 6 شهور : خدى مامتك ولا حد من صحابك اعملى حسابك انا ف الشغل
بعد 6 سنين : دكتور دكتوووووووور.. مانتى زى البمب اهو

فى حاله الولاده
المولود الاول : زى القمر.... شبهك
المولود التانى : شبه اخوه
المولود التالت : يار يت تخللى بالك المرة الجايه

منقول

ههههههههههههه
بصراحه بايخاااااااااا

وموضيعك فى النازل

هههههههههههههههههههههه
متشكره لزوقك

موضوع حلو بس مش كل المتجوزين بيعملو كده يارحاب

اكيد طبعا ياامجد

هههههههههههههههههههههههههه
تسلم ايدك يا رحاب

ميرسى يا هيثم

تسلم ايدك يا رحاب
 

ميرسى يا جميل