الموضوع ده يهم بناااااااات جداااااااااااااااااااااا

الموضوع ده يهم بناااااااات كتير جدا وخاصة اللى منهم فى الجامعه او اللى لسه حيدخلوا الجامعه وهو يخص جميع البنات وعلاقتهم مع الشباب عموما فى اى مجال

"الاحترام"

اهم حاجه لازم البنت تتميز بيها وفى الموضوع ده احب اقدم نصايح تخلى البنات تجبر الشباب على احترامها


اولا::

نبدأ اولا بمظهر البنت شكل البنت يعنى طريقة اللبس اول ما بيلتفت اليه الشاب شكل لبس البنت وطبعا مش قصدى انه يكون غالى ومن افخم الملابس والازياء الباريسيه ولا تكون البنت لابسه اكسسوارات بالشئ الفلانى لا قصدى على احترام البنت فى ملابسها سواء محجبه او غير محجبه يعنى متكونش لابسه حجاب ولبسها ضيق او لابسه جيبه قصيره او تكون مش محجبه ومنعكشه شعرها وعملاه بالجل كل ده بياثر فى طريقة معاملة الولد للبنت وحتى ان كان بيقول انا ميهمنيش المظهر بس خليكوا واخدين بالكم ان معظم الولاد بياخدوا بالهم من النقط الصغيره دى وتلقائيا ممكن تلاقى التعامل بعد كده بيتغير ويقل الاحترام
وطبعا اللبس مش دليل على احترام البنت الكامل لنفسها لاننا بنشوف بنات لابسه لبس اخر احترام وواقفه تهزر او تتكلم باسلوب مش ظريف مع الشباب


ثانيا::

دى حاجه بقى ممكن البنات متاخدش بالها منها وهى هزارها او طريقتها فى الكلام مع البنات صحابها يعنى تقف وتضحك بصوت عالى اوى وتهزر ويكون حواليها شباب وناس كتير فبكده اى شاب حيشوفها اكيد حيقول انها مش محترمه ، يعنى راعى دائما يكون اسلوبك فى الهزار ظريف ولطيف ويليق بيكى كبنت وعامة كثرة المزاح بيضيع هيبة واحترام البنى ادم


ثالثا::

نيجى بقى على طريقة كلامك مع زميلك اولا بلاش الصوت العالى ثانيا حاولى دائما تتكلمى مع اى شخص باحترام وادب وحتى ان كنتى بتشوفى الاخرين بيسخروا منه يعنى ببساطه تكونى بتتعاملى بذوق مع الكل


رابعا::

دايما تحطى قواعد وحدود مع اى حد يتعامل معاكى وخااااااااااااصة فى موضوع الهزار احذرى الهزار مع الشباب وخاصة ان الشباب اصلا فى تعاملهم بيحبوا يضربوا بعض فى الهزار يعنى لازم تحافظى على احترامك وتضعى حدود فى التعامل من الاول واذا كنتى خجوله واتحطيتى فى الموقف ده غصب عنك لازم تاخدى موقف وتبصيله بصه بشذر كده ولا تعبريه حتى وان جه يتاسف تأنبيه وتفهميه انك انسانه بتتعاملى معاه باحترام ومتقبليش الهزار بالاسلوب ده


واخيرا لكم منى كل الاحترام وتمنياتى ان الموضوع يفيدكم وينال اعجابكم

بجد موضوع مهم جيدا انا بجد احيك على الفكرة دية
بس انا عاوزة اكون صريحة معاك وهقولك حاجة عن نفسى
انا مش بحب الهزار يكون الايد خالص وبذات مع ولد وبنت
ودية اول حاجة بابا قالى عليها وانا بحاول اهزر مع زميلى
باحترام وكانهم اخوات بظبط وانا عاوزة اقولك بجد النصايح دية
جامدة وكلها انا عرفها وفهمها بس كويس ان انت اتكلمت فيها بردو عشان اللى مش عارف

وكمان انا عاوزة اقولك ان لزم تكون البنت صريحة مع اهلها
زى كدة مثلا انا بحكى كل حاجة لبابا حتى لو عاوزة اتصل بزميل لى انا بردو
لزم اقول لبابا بجد الصراحة اجمل شى فى الوقت دة مع الاهل

الله ينور عليك يا كبير اشطه على موضيعك بس خلى بالك انت كده مش هتخلى البنات تتكلم معانه راعى اخواتك
ههههههههههه
انا بهزر طبعا موضوع جميل ومهم جدا لكل البنات وبجد فعلا انا بشوف بنات كتير فى المعهد
انا معرفهمش شخصيا بس الواحد بيحكم عليهم من طريق تصرفهم من الهزار مع الشباب
ممكن تلقيها هى الى بتبدء الضرب بالايد وطبعا الشب مايصدق انها تبدء وتشوف الى بيجرو ورى بعض وحجات الله لايوريك
ربنا يستر على ولايان يارب

تسلم ايدك موضوعك جميل وفكرته حلوه
ولازم اى بنت تحط الحاجات دى فى دماغها
كأساس فى تعاملاتها

شكرا ليكى يا ormangy وكويس انيك عارفه وبارضو زياده تاكيد هههههههه وشكرا يا خالد انت نورت ومنورنى علطول بجد شكرا يا فراشه وبجد نورتونى يا جماعه

موضوعك جميل جدا يا محمد احيك علية
ومهم اكيد ان احنا ناخد بالنا من تصرفتا مع اى حد فى التعامل
سوء كان فى شغل او فى جامعة
وتسلم ايدك موضوعك عاجبنى

تسلمى يا قمر وانا مبسوط ان مواضيعى عجباكى بجد يا قمر وشكرا ليكى ونورتى

موضوع في غايه الاهميه بس ياريت كل بنت تخد بالها من الحاجات دي

الله ينور عليك موضيعك تحفه