بعد التدقيق الشديد ف شرايط القنوات الفضائية ( شرايط الشات اللى بتبقى متلقحة ف آخر الشاشة !!!! )
و بعد التتنيح بالساعات قدام شاشة التلفزيون .. استطعت بقدرتى العبقرية و الفذة من نوعها أن أستنتج ........... ان نص الشعب حتما ًفاضى و ربنا يشفى
!!!!!
لأ اللى بيحصل ده مش طبيعى !!!
أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل
كتبتلكم تحت كل جملة من الشات تعليق من اللى كنت حاسه وانا بتفرج
إليكم الشلل التالى
*** ممكن حب اسكندرانى***
آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى !!! و اذا مشينا بالحدود شوية هنلاقى فيه حب لبنانى و حب امريكانى و صينى و يابانى !!!! و هكذا و مقولكوش بقى ع الحب المريخى !!!!
و برضه فيه حب بالفراخ و حب بالكباب و فيه بالشطة و اللمون !!!!!!! و يا سلام بقى ع الحب بالجبنة !!!
فظييييييييع !!! خصوصا لما بيتقطع عليه طماطم بيبقى مسخرة
*** ممكن واحدة جميلة للصداقة و الحب و ياريت برضه للسفر ***
آه ممكن طبعا !!!
و يا ترى حضرتك عايزها كام سلندر؟؟؟؟؟؟؟؟؟؟
*** أنا شاب متدين ممكن ليدى عندها شقة ***
آه و ماله !! و فيه برضه شقة و عليها ليدى مجانا !!!! و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟
*** ممكن واحدة جميلة استايل عشان أحبها ***
آه و ماله !! أنا برضه عايزة بطارية للموبايل بتاعى عشان أنا قربت أهنج !!!!!!
*** لو انت بتحبنى بجد ممكن أديلك رقمى !! ***
يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟
تصدقى بالله أنا دلوقتى بس عرفت أهمية السراية الصفرا
فلانة : عرفنى على نفسك يا فلان و ابعت رقمك .. أنا بحبك أوى ، فلان : أنا اللى بحبببببببك أوييييى يا فلانة !! قوليلى صحيح هو انتى حلوة و لا ؟؟؟؟؟؟؟؟
فسسسسسسسسسسسسس أنا مُت خلاص
كلمة أخيرة :
اللى بيحصل ده كتيييييييييير .. شئ ميبقبلوش لا قلب و لا عقل ولا منطق .. استهتار و استخفاف بالمشاعر و كذب مالوش نهاية و ضحك ع العقول !!!! و الدهشة انه كل اتنين بينافقوا بعض و الوسيلة الرخيصة ...... الحب !!!!!! مع ان كل كلمة حب غالية أوى .... ايه اللى جرى للناس ؟؟؟؟؟؟ و ايه اللى جرى للمجتمع ؟؟؟؟؟؟؟؟؟؟
يا ريت يا جماعه اعرف رأيكم فى موضوع الشات دا ؟؟؟؟؟؟؟؟؟
يا ترى هو عادى ولا انا اللى متخلفة ؟؟؟؟؟؟؟؟؟؟؟؟؟
ولا الموضوع زاد عن حده ؟؟؟؟؟؟؟؟؟؟؟؟؟؟