الرخامه فالمواصلات وخصوصا الميكروباصات ..

الرخامه فالمواصلات وخصوصا الميكروباسات نبدأ الرخامه قصدي نبدأ الموضوع اول درس : استفتح يومك بالترخيم عالسواقين عشان تاخدلك دعوتين حلويتين تبدأ بيهم يومك اول ما تنزل الشارع وقف ميكروباس وقوله رايح فين ولما يقولك قوله طب روح بس متتأخرش وتكرر الموقف ده مع كام واحد كده بعد كده توقف سعيد الحظ اللي هتركب معاه !! الدرس التاني : رخم عاللي راكبين اول ما تدخل الميكروباس لازم اول واحد تشوفوا فوشك تحط بقك فودانو وبأعلي صوت ليك سلامو عليكووووووووووووووووووووووووو ومتنساش تختار اخر كرسي عشان وانت داخل تخبط فاللي قاعدين ووانت نازل تقوم اللي قدامك وحاول تقعد علي تاني كرسي من الشباك حقولك ليه بعدين اول ماتقعد وترتاح وتيجي تطلع الفلوس لازم تنام وتريح عاللي جنبك عشان تعرف تطلع الفلوس ووانت بتطلع الفلوس خليك نايم عليه شويه كانك مش عارف تطلع الفلوس وفالوقت ده ممكن تطرقع صوابعك جوه الجيب بس ماتطولش اوي عشان ماتتشتمش طلعتها وكله تمام ارزع اللي قدامك كف جامد علي كتفه عشان يبصلك ووهو بيلف اول ماتلاقي ودنه قدامك تقوم بسرعه فودنه وبرضه بأعلي صوتك : واااااااااااااااااااااااااااااحـــــــــــد المهم تجيبله طرش ماتنساش السواق برضه !!! اول ماتلاقي السكه زحمه تقوم قايل علي جنب طبعا هو هيتوتر ويحاول يقف فالزحمه اول مايقف وتلاقيه مستنيك تنزل وترحمه تقوم حاطط سماعات الموبايل فودنك وولا كأن في حاجه طبعا هو هيلعن الساعه اللي ركبت فيها وهيقولك ماتنزل وتخلص تقوم نايم عاللي جنب الشباك اللي هو جنبك ومطلع راسك من الشباك ومدخلها تاني وتقوله بمنتهي البرود ايه ده تصدق مش هو ده المكان اللي عايز انزل فيه !!!! سوري وبسرعه حط السماعات فودنك عشان ما تسمعش الشتيمه كمان شوية نام بسرعه عاللي جنبك وطلع راسك من الشباك ووانت بتطلعها حط بقك فودنه وقول بصوت عالي صــــــــــــــــبــــــــــــــــــــــــح يــــــــــــــــــــــــــــا ....... اختار اي اسم يعجبك كانك شوفت واحد صاحبك ودخلها تاني ووانت نايم عليه قوله معلش اصلي شوفت واحد صاحبي!! وياسلام لو بتشرب سجاير طلع السيجاره و خد النفس و فودن اللي قدامك طبعا هيتنرفز ويقولك ممنوع السجاير فالميكروباسات تقوم اخد نفس ونايم عاللي جنبك ومطلع راسك من الشباك ومطلع النفس وكفايه نفس عشان ميتخنقش ارمي السيجاره وعوضك عالله ومتنساش كل شويه تسأل اللي جانبك الساعه كام ومتسيبهوش إلا لما يديلك الساعه هديه وجه وقت نزولك لازم تعمل فزع للي راكبين كلهم خصوصا السواق فجأه بدون مقدمات : حـــــــــــــــــــــاسب يـــــــــــا اســـــــطــــــــي حـــــــــــــــــاســـــــب وقف وقف طبعا هيتفجع وهيحاول يقف اول مايقف هيقلك فيه ايه اضحكله وقوله انا نازل ملحوظه : انا غير مسؤل عن اللي هيحصل ساعتها !!!! وانزل ومتنساش تبوظ الباب انزل وارزع الباب وراك بكل قوتك وقول بصوت عالي ايه الناس الرخمه دي قال ياعني انت اللي ملاك !!!! واي خدمه ياعم رخامه مفيش بعد كده

والله بعد كل اللى انت قولته ده لو نزل سليم اصلا يحمد ربنا وقتها
سواء من صاحب الميكروباص او الناس اللى موجوده
ونقول ساعتها كان فعلا راجل جزمه قصدى كان راجل طيب
تسلم ايدك يا حماقى

هههههههههههههههههههههههههههههههه
دا كله طب ليه الرخامة الازلية دى دا زبالة اوى اللى يعمل كدة
مش حرام
مسيرة هيجله يوم ويجوله ان اللى هو فيه ده
يالا كفايه كدة

تسلم ايدك يا حماقى

ده لو اي حد عمله السواق والركاب يعملولو ارخم منها ازاي ممكن يضربوه

(rehab (hopa كتب:: والله بعد كل اللى انت قولته ده لو نزل سليم اصلا يحمد ربنا وقتها
سواء من صاحب الميكروباص او الناس اللى موجوده
ونقول ساعتها كان فعلا راجل جزمه قصدى كان راجل طيب
تسلم ايدك يا حماقى

ههههههههههههههههههههههههههههههههههه

فعلا والله عندك حق يا حابة

نورتينى يا جيل

queen my heart كتب:: هههههههههههههههههههههههههههههههه
دا كله طب ليه الرخامة الازلية دى دا زبالة اوى اللى يعمل كدة
مش حرام
مسيرة هيجله يوم ويجوله ان اللى هو فيه ده
يالا كفايه كدة

تسلم ايدك يا حماقى

هههههههههههههههههههههههههههههههههههههه

متغلطيش فية يابنتى دة اسطوووووورة القرن السابع والتمانين

نورتينى يا جميل

النهر الوافيdodge كتب:: ده لو اي حد عمله السواق والركاب يعملولو ارخم منها ازاي ممكن يضربوه

نورتنى يا امجد ايوة كدة عايزك تنتشر ف المنتدى

عايزك تلف المنتدى قسم قسم

وتيجى هنا تدينى التمام

منورنا يا معلم

ده ممكن الناس كلها تتلم عليك وتضرب شهر متواصل عشان الي انتا بتعملو تسلم ايدك ياحماقي